|
Giovanni Salvaggio |
Riceviamo e pubblichiamo.
“LA ROCCA DI LA PETRA”
Si
sta rocca putissi parlari,
tanta è la storia c’àvissi di cuntari,
di quannu fu fatta la terra e l’abitari.
A Girgenti ficiru li templi pi monumenti,
a Grutti ni gudiemu la Petra pi natura,
ca di la terra sporgi comu na muntagna,
e quannu si talia l’uocchiu e lu cori ni guadagna.
Ni li tiempi antichi ci scavaru pirtusa,
ma pi tannu si trattava di la meglia casa,
macari pi lu muortu c‘arripòsa.
Versu l’Ottanta pinzaru d’àbillilla,
cu pianti sciuri e vialetti,
macari gradi, porti e cancelletti.
Li patrimoni nun vannu curati a scadenza,
picchì a distrudiri li cosi è lu fuocu ca ci pensa,
e quannu doppu si talii fa viniri la pena.
Però s’àcchiani la so cima,
è veru ca ti guodi lu panorama,
macari lu mari cuomu spuma.
Cu lu sapi quannu Cummatini,
ch’è lu paisi e lu territoriu ca lu teni,
ci dassi valuri d’antichi monumenti?
Ora ca li Massi àddivintaru turisti
Vali la pena adurnari la Petra.
Giovanni Salvaggio
© Riproduzione riservata.
|
|
rotte.info:
periodico indipendente d'informazione del paese di Grotte
(provincia di Agrigento).
