Home

>

Notiziario

>

Giugno 2012

MESSAGGI DAI LETTORI

Poesia. "La vita antica di lu contadinu" (2); di Giuseppe Todaro

Giuseppe Todaro

Riceviamo e pubblichiamo.

"LA VITA ANTICA DI LU CONTADINU
(Assiemi a lu patruni sfruttaturi) - 2^ parte

1. Qualchi mizatru un rubittieri aviva
    di juornu e notti chi lu cumannava
    a lu paisi nenti pussidiva
    estati e miernu in campagna abbitava

2. Na sula casa appianterrenu aviva
    ca l'antra lu patruni nun ci la dava
    li cammari pi iddu li tiniva
    stavanu chiusi nessunu ci abbitava

3. Darriè la casa lu stalluni c'era
    la mula e li vacchi ci tiniva
    quannu a lu juornu la stadda annittava
    lu fietu intra la casa ci trasiva

4. Acqua pi lavari nun ci nnera
    la carriava di la brivatura
    cu tutta la malavita chi faciva
    chidda famiglia povera campava

5. Chiddu chi la terra produciva
     ni la sò casa picca narrivava
     ca lu patruni sempri pretenniva
     fina di li addini ca addivava

6.  Li terri tanti buoni null'aviva
     frummientu assani nu nnarricampava
     qualchi piezzu buonu chi ci nnera
     pi lu patruni si lu risirbava

7. Cu li miennuli guadagni nun'aviva
     ni la sò casa picca ni purtava
     cu tanti sacrifici chi faciva
     sulu la terza parti ci tuccava

8. Ora c'è l'antra cosa meglia ancora
    lu patrunazzu fermu nun ci stava              
    quannu ogni tantu a la robba ci iva
    la muglieri sula ci truvava

 9. Lu maritu era niddi gira
     di la matina e sira chi zappava
     a lu patruni chistu favuriva
     di la muglieri sinni apprufittava
 
10. Pi lu bisuognu dda donna accittava
      e negativa nun ci nni faciva
      si a lu patruni null'accuntintava
      di la sò terra li ittava fora

11. Chista era la vita chi si faciva prima
      c'era la schiavitù cu li patruna
      lu riccu troppu bona si la passava
      li poveri l'aviva pi garzuna.

Grotte, lì 12.04.1992 - Giuseppe Todaro
 

"Contattaci" o invia una "E-mail"

Commenta su

Poesia. "La vita antica di lu contadinu" (1); di Giuseppe Todaro

Giuseppe Todaro

Riceviamo e pubblichiamo.

"LA VITA ANTICA DI LU CONTADINU
(Assiemi a lu patruni sfruttaturi) - 1^ parte

1. Chista è na storia di li tiempi di prima
    quannu lu contadinu siminava
    aviva lu turrenu a mezzadria
    notti e jurnu si sacrificava

2. Si susiva presti la matina
    la mula e la capra si purtava
    tutti li jorna fori sinnijva
    fina quannu chiuviva e nivicava

3. Quannu era festa nulla canusciva
    duminica e simana travagliava
    cu lu patruni amicizia tiniva
    qualchi panaru d'ova ci purtava

4. Pi lu bisuognu sò chistu faciva
    sennò la tinutedda ci livava
    quannu era tiempu di la mititina
    la fanci e li liami carricava

5. Tuttu lu lavuri chi mitiva
    avanzi chi scurava lu liava
    li gregni a quattro a quattro li mintiva
    e cu la mula doppu li sciauliava

6. Partiva cu lu scuru la matina
    e fina la muglieri si purtava
    cugliva la spicchidda chi cadiva
    e qualchi sacchitieddu naccucchiava

7. E cu lu forti callu chi faciva
    la jurnata tinta la passava
    quannu finiva la sciauliatina
    li gregni intra l'aria pisava

8. Quannu spagliava vientu unnifaciva
    ddu frummientu mai l'annittava
    quannu puoni ammunzieddù lu mintiva
    lu sò patruni sicci prisintava

9. Cu na bella jumenta camminava
    la sedda e la briglia ci tiniva
    ni l'aria a cavaddu ci arrivava
    e fina baciu li mani pretenniva

10. Cu lu frummientu niettu chi truvava
      tuttu ni la sò casa lu vuliva
      lu cuntu a modu sò si lu faciva
      e a lu mezzadru ci lu prisintava

11. Tantu mattocca pi la guardatina
      e l'antru ettantu ti pristavu grana
      c'è l'interessi di l'annata prima
      nu mi pagasti cchiù la cambiala

12. Mentri ca lu munzieddu già finiva
      a lu miziatru nenti ci arrestava
      pi accuminciari poi l'annata nova
      lu prestitu di nuovu ci faciva

13. A lu patruni chistu cumminiva
      ca l'interessi cari si pagava
      lu mitaturi nenti ci diceva
      sennò lu turrineddu ci livava

14. Ora nun siemu cchiù chiddi di prima
       la vita la passamu tutti bona
       la terra cu li mezzi si simina
       nessunu sta a suggiettu a li patruna".

Fine 1^ parte.

Grotte, lì 12.04.1992 - Giuseppe Todaro
 

"Contattaci" o invia una "E-mail"

Commenta su

Poesia. "Non ho la chiave"; di Carmelo Luparello

Prof. Luparello

Riceviamo e pubblichiamo.

"NON HO LA CHIAVE

..........................
e quando la sera
io stanco mi fermo
davanti al tuo balcone,
vorrei aprire il portone
e salire le scale;
ma io non posso,
nessuno mi ha dato la chiave
e tu non ci sei
mia dolce speranza,
ed io rimango in macchina
ad aspettare... che cosa?
Il tempo che passa
e non si accorge di me".

                    Carmelo Luparello

"Contattaci" o invia una "E-mail"

Commenta su